Bohof (Stuttgart 21)

Es Hasakind hot’s Näsle voll

ond em Bauch en arge Groll:

So a Haufa Geld, ha noi!

A Bohof derf koi Geldgrab sei!

Drom ziagt sich’s schnell sei Stiefel o,

hoppelt so schnell, wia’s hoppla koh

zom S-Bohof em Städtle

ond kauft sich a Billetle.

In Schduagert steigt es grantig aus

„Denne mach i d‘r Garaus!“

S’hält sei Plakätle hoch in d’Luft

ond folgt dem Demonschtrante-Ruf.

„Ihr Seggel!“ schreit des Häsle laut,

„Wann ihr den tiefe Bohof baut,

i hau aich, glaubet’s noh,

links ond rechts an’d Gosche noh!“

© by Marion Schimmelpfennig

This entry was posted in Gedichte vom Hasakind. Bookmark the permalink.

Leave a Reply

Your email address will not be published. Required fields are marked *