Plärr ned

 

Es Hasakind, es Hasakind,

ruft sein Papa im Morgawind,

es ruft ond heilt ond macht ond schreit,

do ischt’s d’r Hasapapa leid.

Er hoppelt hoim ond nimmt des Gör:

“Mach des no amol, I schwör,

no gibt’s d’r Hasapopo voll,

ond ned in C-Dur, sondern Moll!”

Es Hasakindle guggt verschreckt

ond het sich schnell im Nescht versteckt.

Do bibberts no ond blinkert arg –

ob mi mei Papa nemme mog?

Papas Auga werret feicht

ond er stubst sei Kendle leicht.

“Ha no, jetzt plärr ned”, secht er no,

“lach jetzt ond sei wieder froh!”

© by Marion Schimmelpfennig

This entry was posted in Gedichte vom Hasakind. Bookmark the permalink.

Leave a Reply

Your email address will not be published. Required fields are marked *